Ana səhifə Kult |
Millət vəkili Qənirə Paşayeva "Sağlamlığın Qorunması" İB-nin rəhbəri Yazgül Abdiyevanın təşkilatçılığı ilə Gədəbəy rayonunda şəhid ailələrinə həsr olunan “Sağlam nəsil, sağlam gələcək” adlı konfrans çərçivəsində ziyalılar, müəllimlər, sakinlərlə görüşüb.
Kult.az xəbər verir ki, bu cür gözəl görüşün təşkili üçün tədbirin təşkilatçılarına təşəkkürünü bildirən millət vəkili müəllifi olduğu kitablar barədə danışıb. Qeyd edib ki, cəmiyyətin maariflənməsi, xüsusilə də savadlı, intellektual, vətənpərvər, daxili dünyaları zəngin olan gəncliyimizin yetişməsində və dünyagörüşümüzün formalaşmasında mütaliə xüsusi əhəmiyyət kəsb edir. Bu baxımdan da bu cür görüşlərin keçirilməsi cəmiyyətdə kitaba və mütaliəyə olan marağın artırılmasında mühüm rol oynayır.
Sonra Qənirə Paşayeva tədbirin təşkilatçılarına və iştirakçılarına minnətdarlığını bildirib, öz imzası ilə kitablarını oxuculara hədiyyə edib. Eyni zamanda, Q.Paşayeva Gədəbəyin Samanlıq kəndində ziyalılar, müəllimlər, sakinlərlə də görüşüb, geniş fikir mübadiləsi aparılıb və onlara müəllifi olduğu kitabları imzası ilə hədiyyə edib.
Tarix
2018.07.12 / 22:21
|
Müəllif
Nərmin Əkbərli
|