Ana səhifə Kult |
Azərbaycan Respublikası Mədəniyyət və Turizm Nazirliyi, Azərbaycan Dövlət Rəsm Qalereyası və "Xətai Sənət Mərkəzi" Azərbaycan rəssamlarının yüksək bədii dəyərə malik yeni akvarel əsərlərinin üzə çıxarılması və nümayişi, bu sənətin gələcək inkişafı üçün stimul yaradılması məqsədi ilə rəssamlar arasında akvarel müsabiqəsini elan edib.
Axar.az xəbər verir ki, oktyabr 21-i, saat 18:00 "Xətai Sənət Mərkəzi"ndə (ünvan: Xətai rayonu, Xocalı küçəsi 62,) "Akvarel" rəsm müsabiqəsinin yekun sərgisi keçiriləcək.
Xatırladaq ki, akvarel eramızın 2-ci əsrində Çində kağızın istehsalından sonra meydana çıxıb. Sulu boya texnikasında əsasən kağız üzərində işlənən rəsm əsərləri XII-XIII əsrlərdə İspaniya və İtaliyada, daha sonra digər Avropa ölkələrində geniş vüsət alıb. 2001-ci ildə tanınmış Meksika rəssamı Alfredo Quati Roxonun təşəbbüsü ilə hər il noyabrın 23-ü Beynəlxalq Akvarel Günü kimi qeyd edilir.
Tarix
2014.10.14 / 18:57
|
Müəllif
Axar.az
|