Bu gün 18:00-da Dövlət Gənc Tamaşaçılar Teatrında Hədəf Nəşrlərinin təsis etdiyi, "Kitabevim.az" və Dövlət Gənc Tamaşaçılar Teatrının təşkilatçılığı ilə həyata keçirilən "Anamın kitabı" pyes müsabiqəsinin qaliblərinin mükafatlandırılma mərasimi keçiriləcək.

Axar.az xəbər verir ki, müsabiqənin təşkilat komitəsindən verilən məlumata görə, ilk 4 yerin sahibi üçün 2 min manat həcmində mükafat fondu nəzərdə tutulub.

Növbəti illərdə mükafat fondu arta bilər. Builki müsabiqədə I yerin sahibinə 1000 manat və "Anamın kitabı" Ədəbi Mükafatı, II yer – 500 manat, III və IV yerlərin sahiblərinə isə müvafiq olaraq 300 və 200 manat pul mükafatları təqdim olunacaq.

Jurnalistlər və ədəbiyyatsevərlər tədbirə dəvətlidir.