Ana səhifə Kult |
Sumqayıt Dövlət Musiqili Dram Teatrında yazıçı-dramaturq Kamran Nəzirlinin "Narkoman" pyesi əsasında hazırlanmış tamaşanın premyerası keçirilib.
Bu barədə Axar.az-a Sumqayıt Dövlət Dram Teatrından məlumat verilib.
Böyük tamaşaçı marağına səbəb olan tamaşanın quruluşçu rejissoru respublikanın Xalq artisti Kamran Quliyev, ikinci rejissoru Vasif Məmmədov, quruluşçu rəssamı Naxçıvan MR-nın Əməkdar artisti Əbülfəz Axundov, musiqi tərtibatçısı, əməkdar mədəniyyət işçisi İmamqulu Əhmədovdur. Anşlaqla keçən tamaşada əsas rolları Yeganə Məmmədəliyeva, Cəlal Məmmədov, Şəhla Məmmədova, İradə Zeynalova, Sevda Hüseynova, İlqar İbrahimov, Rövşən Əsgərov və başqaları ifa ediblər.
Qeyd edək ki, əsərin mövzusu və məzmunu müasir həyatımızda baş
verən hadisələrdən götürülüb. Burada qəhrəmanlar müqəddəs ailə
dəyərlərinin milli-mənəvi, əxlaqi zəmində müdafiəsi və qorunması
uğrunda mübarizə aparırlar.
Tarix
2014.11.03 / 15:45
|
Müəllif
Ülkər Cəfərova
|