Ana səhifə Kult |
Məşhur türk aktyoru Ərdal Beşikçioğlu fransız "L`Officiel" jurnalının son nömrəsinə verdiyi müsahibədə maraqlı etiraflar edib.
Axar.az xəbər verir ki, Ankara Tətbiqat Teatrında "Məzarsız ölülər" adlı tamaşa səhnələşdirən, televiziyada qazandığı pulları teatra yatıran Ərdal Beşikçioğlu televiziya işinin onluq olmadığını deyib.
Televiziyanın ona görə olmadığını bildirən aktyor belə deyib: "Televiziyada yaşanan çirkinliklərin hamısını teatrda təmizləyərək arınıram. Səhnədə təmizləndiyimiz müddətcə ekranda nə etdiyimizin heç bir əhəmiyyəti yoxdur. Televiziya mənim işim deyil. Əsas işim teatrdır".
Xatırladaq ki, ekrandan qazanılan pulun özü üçün zəmanət olduğunu da açıqca söyləyən Ərdal Beşikçioğlu hal-hazırda Türkiyədə serial sektorunun ən çox qazanan aktyorları arasındadır. Hər rolu qəbul etməyən, ssenariləri yalnız ciddi şəkildə gözdən keçirəndən sonra rolu qəbul edən aktyor hər seriyaya görə 45 min türk lirəsi qazanır.
Tarix
2014.11.13 / 03:23
|
Müəllif
Nilufər Muğantürk
|