Ana səhifə Kult |
Dünya şöhrətli yapon pianoçusu Ç. Kusunoki Azərbaycan Respublikası Mədəniyyət və Turizm Nazirliyinin dəvəti ilə noyabrın 19-da Azərbaycan Dövlət Filarmoniyasının səhnəsində Üzeyir Hacıbəyli adına Azərbaycan Dövlət Konservatoriyasının tanınmış məzunu - SSRİ Xalq Artisti Murad Kajlayevə həsr olunmuş konsertlə çıxış edəcək.
Axar.az xəbər verir ki, eyni zamanda M.Kajlayevlə Ç.Kusunoki Üzeyir Hacıbəyli adına Bakı Musiqi Akademiyasında və Bülbül adına Orta İxtisas Musiqi Məktəbində görüşlər keçirəcəklər.
Qarşıdan gələn 2 ay ərzində Çisato Kusunokinin M. Kajlayevin əsərlərindən ibarət proqramla qastrol səfərləri planlaşdırılıb.
Qeyd edək ki, yapon pianoçusu Çisato Kusunoki dünya şöhrətli musiqiçidir. Murad Kajlayevilə onun əsərlərinin görkəmli ifaçısı olan Ç.Kusunokinin ilk tanışlığı 2013-cü ilin sentyabr ayında Moskva şəhərində baş tutub.
Tarix
2014.11.13 / 18:44
|
Müəllif
Nilufər Muğantürk
|