Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
19 Aprel 2019


Varşava Universitetində Azərbaycan tarixi tədris edilir

Ana səhifə Kult
12 Punto 14 Punto 16 Punto 18 Punto

“Asiya və Afrikada ənənələr və müasirlik: birgəyaşayış və ya konflikt?” mövzusunda şərqşünasların V Ümumpolşa konfransında Azərbaycan tarixinə dair məruzələr dinlənilib.

Azərbaycan Milli Elmlər Akademiyasının Tarix İnstitutundan Kult.az-a bildirilib ki, Polşadakı Azərbaycanşünaslıq Mərkəzinin rəhbəri Nərgiz Axundova konfransda “Şərqdə diplomatik missiyalar (Hülakülər, Qaraqoyunlu və Səfəvilər dövrü)” mövzusunda məruzə ilə çıxış edib.

Daha sonra Varşavanın Lazarski Universitetində “Azərbaycan – Qafqazın incisi” adlı tədbir keçirilib. Tədbirdə Azərbaycanşünaslıq Mərkəzi universitetin tələbə və müəllim heyətini Azərbaycan xalqının tarixi, mədəniyyəti və adət-ənənələri ilə tanış edib. Mərkəzin rəhbəri Nərgiz Axundova “Azərbaycan: dünən və bu gün” adlı təqdimat edərək, xalqımızın tarixi kökləri, abidələrimiz, müasir Azərbaycanın inkişafı və onun beynəlxalq arenadakı yerindən danışıb. Lazarski Universitetinin tələbələri isə Bakı şəhərinin görməli yerləri barədə qısametrajlı film təqdim ediblər.

Azərbaycanşünaslıq Mərkəzinin rəhbərliyi ilə Varşava Universitetində Azərbaycan tarixi 4 istiqamətdə (qədimdən Səlcuqlar dövrünədək, orta əsrlər tarixi, Azərbaycanın çar və sovet Rusiyası tərəfindən işğalı və Azərbaycan Respublikasının xarici siyasəti) tədris edilir. Polyak və xarici tələbələr tariximizə böyük maraq göstərirlər. Tələbələr Azərbaycan tarixi barədə təqdimatlar hazırlayır və məqalələr yazırlar. Bundan əlavə, Varşava Universitetində Azərbaycan mədəniyyətinə dair dərslər keçirilir və Azərbaycan dili tədris olunur.

Qeyd edək ki, Tarix İnstitutu dünyanın müxtəlif ölkələrində Azərbaycanşünaslıq mərkəzləri yaradır. Polşadakı Azərbaycanşünaslıq Mərkəzi 2018-ci ildə fəaliyyətə başlayıb. Yaxın zamanlarda Misirin Qahirə Universitetində də Azərbaycanşünaslıq Mərkəzinin yaradılacağı gözlənilir.

Tarix
2019.04.16 / 01:21
Müəllif
Axar.az
Şərhlər
loading...
Digər xəbərlər

Səməd Vurğunun “havası” dəyən 80 yaşlı gənc...

Ortaylı Rəsulzadə ilə bağlı xatirəsini açıqladı - Video

ADU rektoru Volqa Universitetinin dosentini təltif etdi

Fətullayevin "dağıdılır" çağırışına nazirlikdən cavab – Foto

Orxan Gəncəbay ağır durumda: əməliyyat olundu

Hüseyn Cavidin "İblis" pyesi İstanbulda... - Foto

Çunayev dağıstanlı xanımla "Ləzginka" oynadı - Video

Azərbaycanlıların kəndi 120 yaşında - Foto

YUNESKO-dan Notr-Damdakı yanğına - Reaksiya

"Kaspi"nin iştirakı ilə "Zəfərə doğru"... - Foto

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla