Ana səhifə Kult |
Xalq şairi Sabir Rüstəmxanlı AYB-yə müraciətlər fonunda maraqlı bir xatirəsini paylaşıb.
Kult.az xalq şairinin adını açıqlamadığı müəllif haqda qeydlərini təqdim edir:
“1986-cı il. “Yazıçı” nəşriyyatının baş redaktoruyam. Bir müəllifin qəbula gəldiyini dedilər. Yaşlı adammış. Qapıya çıxıb içəri dəvət etdim. Görkəmi sayqı hissi oyadırdı. Şeirlərini nəşr etdirmək istəyirmiş. 5 vərəq, 10 vərəq çevrildi. Bəlkə nəhayət bir şerini taparam deyə, xeyli oxudum əlyazmasını. Xətrinə dəymək istəmirdim. Axırda dözmədim: “Burda şeir yoxdur!" - dedim.
Halını pozmadan, təmkinlə, “Sabir müəllim, siz nə danışırsız, mən Səməd Vurğunun yadigarıyam, vaxtilə onunla bir yerdə ədəbiyyat dərnəyinə getmişik, onun havası dəyib mənə”, - dedi.
Dözmədim, mən də eyni təmkinlə, “Rəhmətliyin oğlu, Səməd Vurgun yazdı, yaratdı, dünya şöhrəti qazandı, 30 il bundan əvvəl də ölüb gedib, sən indi gəlmisən ki, onunla dərnəyə getmişəm, mən də şeir yazmaq, kitab buraxdırmaq istəyirəm. Nə adla buraxaq bu kitabı? Gənc şairin ilk kitabı?"
Sonra qovluğu bağlayıb qaytardım bu 80 yaşlı şeir həvəskarına...
İndi də tez-tez belə müraciətlər olur. AYB- yə üzv olmaq istəyənlər tərəfindən...”
Tarix
2019.04.19 / 01:30
|
Müəllif
Kult.az
|