Məşhur ingilis rəssam Cozef Mallord Uilyam Turnerin "Aventine yüksəkliyindən Roma" ("Müasir Roma") adlı əsəri Sosebayz hərrac evində rekord qiymətə satılıb.

Axar.az Teleqraf-a istinadən xəbər verir ki, əsəri 47 milyon dollarlıq rekord məbləğlə alan alıcı hərraca telefonla qoşulub.

Hərrac evi 25 milyon qiymətə qoyulan əsərin indiyə qədər həm Turnerin, həm də 20-ci əsrdən əvvəl yaşamış ingilis rəssamlarının əsərləri arasında ən baha satılan əsər olduğunu bildirib.

Rəssam 1828-ci ildə tamamladığı əsərini ilk dəfə 1836-cı ildə Kral Akademiyasında sərgiləyib. Turnerin dostu və müdiri Conston Munroya hədiyyə etdiyi əsər təkcə bir dəfə başqasına keçib. Rozberi qrafı Munronun ölümündən sonra 1878-ci ildə əsəri satın alıb.

Qeyd edək ki, "İşığın rəssamı" olaraq tanınan Turnerin "Müasir Roma" adlı əsəri 2010-cu ildə Sosebayz hərrac evinin təşkil etdiyi hərracda Pol Qetti muzeyi tərəfindən 45 milyon dollara satın alınmışdı.