Bu il 57-ci dəfə təşkil edilən musiqi dünyasının ən önəmli mükafatları arasında yer alan Qremminin sahibləri bəlli olub.

Axar.az xəbər verir ki, bu il ən yaxşı sənətçisi adına ingilis müğənni Sem Smit layiq görülüb. Müğənni ilin ən yaxşı sənətçisi, mahnısı, lent yazısı və ən yaxşı pop vokal albomu nominasiyasında Qremmi qazanaraq 4 mükafat əldə edib.

Bütün musiqi növlərində 83 kateqoriyada verilən 57-ci Qremmi mükafatı Los Ancelesdəki "Staples Senter"də mərasim sahiblərinə təqdim edilib. ABŞ Prezidenti Barak Obama mərasimə göndərdiyi video mesajında ailəiçi şiddətə diqqət çəkərək sənətçilərdən bu mövzunu diqqətdə saxlamalarını istədiyini deyib.

Gecədə Farel Uilyams, Beyons da 3 nominasiyada mükafat qazanaraq əhəmiyyətli uğur əldə edib. Mükafat mərasimində Madonna, Pol Makkartni, Rihanna, Beyons kimi bir çox məşhur sənətçilər iştirak ediblər.