Ötən gün Xalq şairi Fikrət Qoca infarkt
keçirib.
ANS-in məlumatına görə, dünən saat 19:17-də onun halı pisləşib.
Şair üçün təcili yardım çağırılıb.
İlkin müayinə zamanı ona ürəyin işemik xəstəliyi diaqnozu
qoyulub. Xalq şairi Kliniki Tibbi Mərkəzə aparılıb.
Xəstəxanadan bildirilib ki, Fikrət Qoca infarkt keçirib.
Xalq şairinin qardaşı Hamlet Qoca bildirib ki, F.Qoca müalicə
olunmaq üçün Türkiyənin İstanbul şəhərinə aparılıb:
"Fikrət dünən axşam saatlarında infarkt keçirib. Fikrət
İstanbuldakı "Amerikan" Xəstəxanasında müalicə olunacaq".
Xatırladaq ki, Fikrət Qoca 1935-ci il avqustun 25-də Ağdaş
rayonunun Kotanarx kəndində anadan olub.
Gənclərin qəhrəmanlıq və fədakarlığından bəhs edən "Təkərlər
geri fırlanır", "Yaralı çiçəklər" və "Rəssam düşünür" poemalarına
görə 1968-cı ildə Azərbaycan komsomolu mükafatına, 1990-cı illər
yaradıcılığına görə "Humay" mükafatına (1998) layiq görülüb.
Azərbaycan Respublikasının "Şöhrət" ordeni ilə təltif olunub.