Əfsanəvi yunan müğənnisi Demis Russosun evi satışa çıxarılıb.

Axar.az xəbər verir ki, müğənninin ölümündən qısa müddət keçməsinə baxmayaraq, onun Afinadakı dəbdəbəli evi artıq varisləri tərəfindən satışa çıxarılıb. Russosun övladları bu evə görə 2 milyon avrodan artıq pul qazanmağı düşünürlər.

Xarici görkəminə görə qədim fransız qəsrini xatırladan bu elit malikanə bütün ev əşyaları ilə birgə satılır. Binada bilyard otağı, çoxsaylı klassik üslublu mebellər, rəsmlər və bir çox başqa qiymətli əşyalar var.

Müğənninin ailəsi üçün aldığı malikanə Yunanıstanın paytaxtı Afina şəhərinin Ano Vula rayonunda yerləşir. Demis Russosun həyat yoldaşı və övladları vaxtlarının çox hissəsini məhz pəncərələri Saronik körfəzinin gözəl mənzərəsinə açılan və ümumi sahəsi 400 kvadratmetr olan bu malikanədə keçirib.