Böyük Britaniyada B&Q tikinti materialları mağazalarının rəhbərliyi əməkdaşlarını E.L.Ceymsin "Bozun 50 çaları" romanını oxumağa məcbur edib.

Axar.az xəbər verir ki, mağazalar şəbəkəsinin sahibkarları kitabları özləri alaraq əməkdaşlara paylayıblar. B&Q rəhbərliyi düşünür ki, "Bozun 50 çaları" filminin nümayişindən sonra bəzi mallara tələbat arta bilər və mağazanın əməkdaşları alıcıların suallarına düzgün, savadlı cavab verməyə hazır olmalıdırlar.

Xüsusilə, B&Q-nin müştəriləri öz intim həyatlarına yeni rəng, yeni çalar qatmaq üçün inşaatda istifadə olunan materiallara meyil edə bilərlər. Mağazaların əməkdaşları bu materiallara dair suallara təəccüblənmədən cavab verməlidirlər. Və bu işdə onlara "Bozun 50 çaları" kitabı kömək edə bilər.