Məşhur yazıçılar arasında liderlik 78 əsəri 44 dilə tərcümə edilən Aqata Kristiyə məxsusdur. Yazıçının əsərlərinin bütün tirajı isə 2 milyarddan çoxdur.

Ən çox yayılmış kitablar sırasında liderliyi "Bibliya" edir. Yalnız 1815-1999-cu illər ərzində 4 milyarda yaxın nüsxəsi satılıb. İkinci fəxri yeri ilk dəfə 1955-ci ildə işıq üzü görən, 2000-ci ilədək ümumi satışı 86 milyon nüsxədən çox olan "Ginnesin rekordlar kitabı" tutur.

Romanların satış statistikasında isə ilk üçlüyə aşağıdakılar daxildir: birinci yeri - Jaklin Süzannın "Gəlinciklər vadisi", ikinci yeri – Marqaret Mitçellin "Küləklə sovrulanlar", üçüncü yeri isə Harper Linin "Masqaraçını öldürmək".

Ən çox nəşr olunan əsərlərinin sayına görə Joze Karlos Pyüki de Alpoim İnueni lider adlandırmaq olar. 1986-1996-cı illər arasında onun qələmindən 1046 elmi-fantastik triller, vestern və roman çıxıb.

Amerikalı bacılar – Elizabet və Sara Deleni ən qoca yazıçılar sayılır. Onlar 1944-cü ildə 103 və 105 yaşlarında "Deleni bacılarının gündəlik müdrikliyi kitabı"nı yazıblar.

Ən uzun tərcümeyi-hal məşhur siyasi xadim Uinston Çörçillə məxsusdur. Onun bioqrafiyası 22 cildlik kitaba sığıb.