Hər il sənətin müxtəlif növləri, bu il isə roman üzrə verilən Aydın Doğan Mükafatının sahibi Orxan Pamuk olub.

Axar.az xəbər verir ki, roman Nobelli yazara "əsərləri ilə türk ədəbiyyatına romanın müxtəlif növlərini gətirdiyi və bu müxtəlif növlərlə onun arxası ilə gedən gənc romançılara yeni üfüqlər açdığı; şərq və qərb qütblərini ustalıqla bir araya gətirdiyi; türk romanını dünyada təmsil edən ustalarımız arasında yer aldığına görə" verilib.

Pamuk Türkiyədə uzun müddətdir heç bir mükafat almadığını deyərək belə açıqlama verib: "Roman sənətini yaxşı bilən, ədəbiyyatı sevənlərdən ibarət münsiflər heyəti vardı. Münsiflərə çox təşəkkür edirəm. Təbii ki, çox xoşbəxtəm, çünki insanın öz ölkəsində mükafat almasının dadı başqadır..."

Qeyd edək ki, Aydın Doğan Mükafatı keçən il fotoqrafiya üzrə Ozan Sağdıça verilib. Romana görə mükafatın ilk sahibi isə 1997-ci ildə Ədalət Ağaoğlu olub.