"Anna Karenina" romanının onlayn mütaliəsi Ginnesin rekordlar kitabına düşüb.

Axar.az xəbər verir ki, Quql (Google) şirkəti və Lev Tolstoyun "Yasnaya Polyana" malikanə-muzeyinin birgə layihəsi – "Anna Karenina" romanının onlayn-mütaliəsi – "İnternetdə oxucu marafonunun ən böyük auditoriyası" kateqoriyasında Ginnesin rekordlar kitabına daxil olub. Mütaliədə 106-dan çox ölkə iştirak edib.

Quql həmçinin "Anna Karenina"nın internet-versiyasını da hazırlayıb. "Karenina. Canlı nəşr" oxucu marafonunun materialları əsasında mətn, video, audio, sorğu informasiyasını birləşdirən və müvafiq naviqasiya sistemi ilə təchiz edilən sayt yaradılıb.

Saytdakı axtarış sistemi soyadı ilə konkret iştirakçını tapmağa, romanı arzulanan hissədən oxumağa imkan verir.

Onlayn-mütaliədə 30 saat ərzində "Anna Karenina" romanını oxuyub bitirən 700-dən çox adam iştirak edib. Oxucu marafonu Moskva, Tula, Paris, Los-Anceles və digər şəhərlərin meydanlarında keçirilib və Yutubda bir internet-yayımda birləşdirilib.

"Anna Karenina"nı onlayın oxuyanlar sırasında adi internet istifadəçiləri ilə yanaşı bir çox siyasilər, o cümlədən Rusiya prezidentinin mətbuat katibi Dmitri Peskov da var.