2015-ci il üçün Ədəbiyyat üzrə Nobel mükafatına iddiaçıların siyahısında təxminən 200 yazıçı, şair və dramaturq yer alıb.

Axar.az xəbər verir ki, nüfuzlu mükafatı təqdim edən İsveç Akademiyasının məlumatına görə, ümumilikdə 259 təklif daxil olub, lakin bəzi yazarlar bir neçə dəfə təklif olunduqlarından ümumi say 198-ə enib.

Akademiya iddiaçıların tam siyahısından 20-25 nəfər seçəcək. Mayın sonunda onların sayı beşə enəcək, oktyabrda isə mükafatın sahibi elan olunacaq.

Akademiyanın daimi katibi Peter Enqlund onların adını car çəkməməyə səsləyib. Bu, Akademiyanın qaydalarına ziddir. "Bizim bu nominasiyanı ləğv etmək imkanımız var", - deyə o, xəbərdarlıq edib.

Ancaq artıq iddiaçılar arasında alman, rus və ukraynalı yazarların olduğu bəllidir.