Bütün dünyada böyük səbirsizliklə gözlənilən "Qəraib dənizinin quldurları" filminin beşinci seriyasının çəkilişləri təxirə salınıb.

Axar.az "Hollywood reporter"ə istinadən xəbər verir ki, Espen Sandberq və İoahim Renninqin rejissorluq etdiyi filmin təqdimatı 2017-ci ilə hesablansa da, çəkilişlər zamanı baş verən bədbəxt hadisə çəkilişi yarımçıq qoyub.

Çəkiliş meydançasında filmin baş qəhrəmanını canlandıran əfsanəvi aktyor Conni Deppin qolu sınıb, çəkilişlər təxirə salınıb, "Cek Vorobey" isə xəstəxanaya yerləşdirilib.

Xatırladaq ki, "Ölülər nağıl danışmır" adlanan beşinci hissənin çəkilişləri Avstraliyada aparılırdı.