Azərbaycanın görkəmli alimi, Bakı Dövlət Universitetinin Müasir Azərbaycan ədəbiyyatı kafedrasının keçmiş müdiri, filologiya elmləri doktoru, professor Tofiq Hüseynoğlu vəfat edib.

Kult.az xəbər verir ki, bu barədə yazıçı Vaqif Sultanlı məlumat yayıb.

O bildirib ki, T.Hüseynoğlu Moskvada dünyasını dəyişib.

Qeyd edək ki, Tofiq Hüseynoğlu 1938-ci il aprelin 21-də Ağstafa rayonunun Bəyazatlı (indiki Yuxarı Göyçəli) kəndində anadan olub. 1961-ci ildə Bakı Dövlət Universitetinin filologiya fakültəsinin Azərbaycan dili və ədəbiyyatı ixtisasını bitirib.

1976-cı ildən Bakı Dövlət Universitetinin "Müasir Azərbaycan ədəbiyyatı" kafedrasında işləyib. 121 məqalə, 5 monoqrafiya, 3 kitab (dərslik, şərikli) müəllifidir.