Martın 22-də tabel silahını ataraq Azərbaycanın işğal altındakı ərazisindən bu tərəfə keçən erməni hərbçi Andranik Qriqoryanın valideynləri övladlarının hərəkətinə dolayısıyla haqq qazandırıblar.

Musavat.com-un verdiyi xəbərə görə, onlar Q.Qriqoryanın hərbi xidmət zamanı problemləri olduğunu və bu barədə hərbi hissə komandanlığının zamanında məlumatlandırıldığını söyləyiblər.

Hərbçinin "Azadlıq" radiosunun erməni bürosuna danışan anasının sözlərinə görə, sonuncu dəfə evdə olarkən onun əhvalı olmayıb, niyə kefsiz olmasına dair suala cavab verməyib. Anası onu da deyib ki, oğlu hərbi hissənin komandirindən onu başqa xidmət yerinə keçirməyi xahiş edib.

Qeyd edək ki, Qriqoryanlar Dağlıq Qarabağın keçmiş Martuni rayonunda yaşayırlar. Yerli sakinlər Andraniki pozitiv xarakterizə edirlər.