Ana səhifə Kult |
Türkiyənin İstanbul şəhərində əlil uşaqların "Gülən uşaq" adlı Beynəlxalq Festivalı keçiriləcək.
Axar.az xəbər verir ki, festival aprelin 20-dən 25-nə qədər tarixdə baş tutacaq.
Mədəniyyət və Turizm Nazirliyindən verilən məlumata görə, müxtəlif ölkələrin uşaq və gəncləri arasında dostluq əlaqələrinin möhkəmləndirilməsində, milli mədəniyyətin təbliğində bu kimi tədbirlərin əhəmiyyətini nəzərə alaraq festivalda ölkəmizi nazirliyin tabeliyində olan Bakı şəhər gözdən əlil uşaqlar üçün 38 nömrəli Onbirillik Musiqi Məktəbinin kollektivi təmsil edəcək.
Qeyd edək ki, 2007 və 2008-ci illərdə keçirilmiş "Gülən uşaq" adlı Beynəlxalq Festivalında Azərbaycan Respublikası Mədəniyyət və Turizm Nazirliyinin maliyyə və təşkilatı dəstəyi ilə Bakı şəhər gözdən əlil uşaqlar üçün 38 nömrəli Onbirillik Musiqi Məktəbinin kollektivi təmsil olunmuşdu.
Tarix
2015.04.15 / 15:37
|
Müəllif
Nilufər Muğantürk
|