Aprelin 15-də UNESCO-nun mənzil-qərargahında "Kitabi-Dədə Qorqud" eposunun Avropada ilk nəşrinin 200 illiyinə həsr olunan tədbir keçirilib.

Axar.az xəbər verir ki, tədbiri Dünya İrs Mərkəzinin direktor müavini Meştild Rossler açıb. Xanım Rossler "Kitabi-Dədə Qorqud" dastanını dünya mədəniyyətinin qədim irsi kimi qiymətləndirib, eposun yazılı Vatikan və Drezden nüsxələrindən danışıb.

Tədbirdə xalq yazıçısı Elçin Əfəndiyev də çıxış edib. O, eposun tarixiliyindən, özündə vəfa, sədaqət, xəyanət, nifrət, igidlik, qorxaqlıq kimi xüsusiyyətləri əks etdirdiyindən danışıb.

Qeyd edək ki, 2000-ci ilin aprel ayında "Kitabi-Dədə Qorqud"un 1300 illiyi təntənəli şəkildə qeyd olunmuşdu.