Axar.az
Yuxarı

Axar.Az Logo

Türkiyədən “Qızıl alma” alan professor danışdı

Ana səhifə Kult
12 Punto 14 Punto 16 Punto 18 Punto

"Bu, türk dünyasında ilk layihədir ki, eyni zamanda beş dildə həyata keçirilib".

Bu sözləri Türk Dünyası Forumu tərəfindən "Qızıl Alma" mükafatına layiq görülən azərbaycanlı professor, Bakı Dövlət Universitetinin "Türk xalqları ədəbiyyatı" kafedrasının müdiri Ramiz Əsgər Axar.az-a açıqlamasında deyib:

"Türk Dünyası Forumu tərəfindən təsis edilən Beynəlxalq "Qızıl Alma" mükafatı bu il ikinci dəfə verilir. Forumun özü 4 il əvvəl yaradılıb. Keçən il həmin mükafata Azərbaycandan Nazim İbrahimov (Diasporla İş üzrə Dövlət Komitəsinin sədri) və Şamaxı Astrofizika Rəsədxanası layiq görüldü. Builki siyahıda mənim də adım var. Müsabiqənin nə zaman keçirildiyi barədə məlumatım yox idi. Mənim elm nominasiyası üzrə seçildiyimi Türk Dünyası Forumunun baş katibi Dr. Almagül İsina məktub yazaraq xəbər verdi. Bu nominasiyaya eyni vaxtda 5 alim layiq görülüb. Mən, Prof. Dr. Temirxan Tebegenov (Qazaxıstan), Prof. Dr. Gülzura Cumakunova (Qırğızıstan), Dos. Dr. Zöhrəddin İsaməddinov (Özbəkistan) və Dos. Dr. Berdi Sarıyev (Türkmənistan) ünlü qırğız mütəfəkkiri Toktoqulun "Şeirə, nəğməyə çevrilən ömür" kitabını paralel şəkildə (eyni zamanda) Azərbaycan, qazax, türk, özbək və türkmən dillərinə çevirdiyimiz üçün bu mükafata layiq görülmüşük. Kitab ötən il Türk Dünyasının Mədəniyyət Paytaxtı Əskişəhər valiliyi tərəfindən ayrı-ayrı kitablar halında nəşr edildi.

Bu, türk dünyasında ilk layihədir ki, eyni zamanda beş dildə həyata keçirilib. Buna görə tərcüməçilər keçən il həm TÜRKSOY-un, həm də Qırğızıstanın "Toktoqul" medallarına layiq görüldülər. Sabah – aprelin 24-də İstanbulda bizə "Qızıl Alma" ödülü təqdim ediləcək".

Qeyd edək ki, Ramiz Əsgər bir çox mükafatlarla yanaşı, "Şöhrət" ordeninə və iki dəfə "Qızıl qələm" mükafatına da layiq görülüb.

Tarix
2015.04.23 / 11:55
Müəllif
Nigar An
Şərhlər
Digər xəbərlər

Anar Kərimov Ərkan Özoralla görüşdü

Prezident yenə göstərdi, dedi: Nolsun, nəticəsi olacaqmı?

Paşayeva “Qurdlar vadisi”nin məşhur rejissoru ilə görüşdü

Tural Gəncəliyev kimlə və niyə “məzələnir”?

Paşayeva “İlin işgüzar xanımı” oldu - Foto

Sidqi Mustafayev koronadan vəfat etdi

Leyla Əliyevanın şeir toplusunun təqdimatı oldu – Foto

Füzulidə "Araz" qəzetinin redaksiyası bərpa olunacaq

Xalq artisti koronaya yoluxdu, xəstəxanaya yerləşdirildi

Paşayeva Sevil Gültəni təbrik etdi - Foto

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla