Lənkəranın Kərgəlan kəndində yaşayan vətənpərvər dərzi Mehman Bayramovun dövlət bayrağımızı tikib təmənnasız yerli əhaliyə paylaması sosial şəbəkələrdə gündəm mövzusuna çevirilib.

Məsələ ilə bağlı Kult.az-a danışan Mehman ustanın yoldaşı Şölə Bayramova bildirib ki, bayrağımızın dəyəri pul ilə ölçülmür və usta bu cür xeyirli işi hər zaman təmənnasız yerinə yetirməyə hazırdır:

“Cəbhə bölgəsində olan əsgərlərimizə yardım aparan gənclər bayraqların tikilib, cəbhəyə aparılması üçün yoldaşıma müraciət etdi, o da işin əvəzində pul götürmədi. Hazırda oğlumuz cəbhə bölgəsindədir, hər halda, belə bir oğulun atasına bayrağa görə pul götürmək yaraşmaz. Bu cür xeyirli işi hər zaman canla-başla görməyə hazırıq!”