2014-cü ildə Cəfər Cabbarlı adına "Azərbaycanfilm" kinostudiyasında istehsal olunan "Axınla aşağı" bədii filmi 30 aprel-7 may tarixlərində ABŞ-ın Los Anceles şəhərində keçirələcək SEEfest Film Festivalında nümayiş etdiriləcək.

Bu barədə Axar.az-a filmdə baş rollardan birinin ifaçısı aktyor, rejissor Namiq Ağayev məlumat verib.

Amerika kinoakademiyasının dəstəyi ilə keçirilən festival Cənubi və Şərqi Avropa ölkələrinin filmlərinin ABŞ-da tanıdılmasına xidmət edir. Festivalda 23 ölkəni təmsil edən film nümayiş olunacaq.

Qeyd edək ki, "Axınla aşağı" filminin ssenari müəllifləri Asif Rüstəmov və Otar Pertaxia, prodüseri Müşfiq Hətəmovdur. Filmdə baş rolları Namiq Ağayev, Mehriban Zəki, Aleksandra Andrejevska, Teymur Məmmədov və digərləri canlandırıblar.