"ABŞ QİÇS virusuna qarşı mübarizənin maliyyələşdirilməsini davam etdirəcəyi təqdirdə bu virus mən həyatda sağ ikən məğlub edilə bilər".

Axar.az xəbər verir ki, bunu britaniyalı bəstəkar və müğənni olan Elton Con söyləyib.

Onun sözlərinə görə, QİÇS epidemiyası hələ bitməyib və bu məsələdə Amerikanın liderliyi çox vacibdir:

"ABŞ Senatı dünyada güclü qanunverici orqandır və QİÇS epidemiyasına son qoymaq bu orqanın gücündədir. QİÇS-lə mübarizəyə ABŞ büdcəsinin 1%-nə bərabər olan məbləğ lazımdır".

Qeyd edək ki, AİDS-lə Mübarizə proqramı 2003-ci ildə ABŞ-da başlayıb və hazırki Prezident Barak Obamanın dövründə daha da inkişaf etdirilib.