Xalq artisti, tanınmış kinorejissor və ssenarist Eldar Quliyev infarkt keçirib.

Kult.az xəbər verir ki, bu barədə Report-a Azərbaycan Respublikası Kinematoqrafçılar İttifaqının Mətbuat xidmətindən məlumat verilib.

Bildirilib ki, E.Quliyev ötən gün xəstəxanaya yerləşdirilib:

“Bu gün həm də xalq artistinin 80 illik yubileyidir. Təəssüf ki, Eldar Quliyevin xəstələnməsi belə bir günlə üst-üstə düşüb. O, öncə özəl klinikalardan birinə yerləşdirilib, sonra Respublika Müalicəvi Diaqnostika Mərkəzinin kardiologiya şöbəsinə köçürülüb. Hazırda reanimasiyadadır, insanları tanımaqda çətinlik çəkir".