Ana səhifə Kult |
"Mən baş redaktor kimi bir sıra səlahiyyətlərimdən çəkiləcəyəm".
Axar.az xəbər verir ki, bu sözləri "Yazı" jurnalının təsisçisi və baş redaktoru Azad Qaradərəli Feysbuk sosial şəbəkəsindəki statusunda yazıb. Bunun səbəbi isə, "Yazı"nın əlavəsi olacaq və uşaq ədəbiyyatına həsr olunmuş ayrıca dərgi buraxmaq istəyidir.
Yazar Azad Qaradərəli statusunda bunları yazıb: "Yazı"nın yaradıcı qrupunun üzvü Sevinc Elsevərlə bir qərar verdik: "Yazı"nın əlavəsi olacaq və uşaq ədəbiyyatına həsr olunmuş ayrıca bir dərgi buraxmaq! Və deyim ki, bu işdə bütün səlahiyyət Sevinc xanıma buraxılır. Mən baş redaktor kimi bir sıra səlahiyyətlərimdən çəkiləcəyəm. Həmin dərginin "Yazı"ya yaraşan səviyyədə araya-ərsəyə gəlməsi üçün Azərbaycan uşaq ədəbiyyatının modern düşüncə və qələm sahiblərini bizimlə əməkdaşlığa dəvət edirəm. Sevinc Elsevərin sizlərə müraciətini, eyni zamanda mənim müraciətim bilmənizi istəyirəm. Əlavədə uşaq romanları, uşaq hekayələri, uşaq şeirləri və uşaq səhnə əsərləri, eləcə də uşaq ədəbiyyatına aid polemik yazılar yer alacaq. İlk nömrəmizi Bilik gününə - 15 sentyabra buraxmağa çalışacağıq".
Qeyd edək ki, bu layihə ilə maraqlananlar, mətn göndərmək istəyənlər [email protected] ünvanına müraciət edə bilərlər.
Tarix
2015.06.01 / 13:23
|
Müəllif
Nilufər Muğantürk
|