"Möhtəşəm yüzil" serialında Sultan Süleyman obrazını canlandıran aktyor Halit Ərgənçin Macarıstanda büstü qoyulacaq.

Axar.az türk mətbuatına istinadən xəbər verir ki, Macarıstanın tanınmış heykəltəraşı Tibor Turi Török serial yayımlanmağa başlayandan aktyorun 70 kiloqramlıq büstünü hazırlayıb. Heykəltəraş bildirib ki, indiyədək ondan həmin büstü almaq istəyənlər arasında qadınlar daha çox olub. O, 150 il Macarıstanda hökmranlıq edən Osmanlı imperiyasının və türklərin Macarıstanda yaxşı tanınması üçün bu büstü hazırladığını qeyd edib. Tibor işini tamamlayandan sonra büstün ən yaxşı yerdə ucaldılacağını da vurğulayıb.

Xatırladaq ki, türk aktyor Halit Ərgənç "Əli və Nino" filmində Fətəli xan Xoyski rolunda çəkilir.