Dünya kinematoqrafiyasının əvəzolunmaz gözəli Merilin Monronun sonuncu çəkildiyi filmdə geyindiyi paltarı hərraca çıxarılır.

Axar.az Röyter-ə istinadən xəbər verir ki, auksionda Monronun paltarı ilə yanaşı, Marlon Brandoya məxsus motosiklet və Britaniya kral ailəsinin toyundan qalan tort qalıqları satışa çıxarılacaq.

"Hollivud əfsanələri" adlanan auksion 26-27 iyun tarixlərində keçiriləcək. Tədbirin təşkilatçısı "Julienes Auctions"dur.

Qeyd edək ki, Monronun satışa çıxarılacaq paltarının başlanğıc qiyməti 300 min dollar civarında nəzərdə tutulub. Xanım Monro sözügedən paltarı "Nəsə baş verməlidir" filminin çəkilişləri zamanı geyinib.