Şair Vaqif Bayatlı Odər müalicəsi üçün Türkiyəyə hazırlaşır.

Bu barədə Kult.az-a açıqlamasında şair özü məlumat verib. O bildirib ki, hələlik Koronavirus səbəbiylə evdən çıxa bilmir.

“Özümü həm başqa bir dünyada, həm də bu dünyada hiss edirəm. İnsanların alışmadığı, duymadığı, görmədiyi, bilmədiyi bir dünyadayam. Türkiyəyə getməliyəm, həkimim var, çox savadlı və işinin peşəkarıdır, sadəcə ictimai nəqliyyatdan qorxuram hələ ki. Pandemiya səbəbiylə evdən çıxa bilmirəm, heç kəslə görüşmürəm. Ailə üzvlərim də mənə görə, evdə maskayla gəzirlər”.

Şair söhbət zamanı həmçinin yaradıcılığından danışıb. Bu ilin sonu, gələn ilin əvvəlinə yeni kitabını çıxarmaq istədiyini söyləyib.

Qeyd edək ki, Vaqif Bayatlı 2016-cı ilin avqust ayında 7 saatlıq beyin əməliyyatı keçirmişdi.