Məşhur supermodel Naomi Kempbell internetdə haqqında çıxan mənfi xəbərləri və bioqrafiyasının bir qismini sildirməyə başlayıb.

Axar.az xəbər verir ki, spirtli içkilərə aludə olduqdan sonra mənfi hadisələrlə gündəmə gələn Naomi Kempbell bu addımı imicini düzəltmək üçün edib.

Kempbellin çalışdığı ictimaiyyətlə əlaqələr firması ilk olaraq "Vikipediya"da modelin Mayk Tayson ilə yaşadığı və müvəffəqiyyətsiz musiqi karyerası ilə bağlı çıxan yazıları silib.

Firma məşhur model haqqında qalmaqallı hadisələrə dair çıxan bütün xəbərləri də silməyə çalışır.

Qeyd edək ki, modelin 1994-ci ildə çıxardığı "Beybi voman"(Baby woman – Qızcığaz) adlı albom tənqidçilər tərəfindən ciddi tənqid olunmuşdu.