Ana səhifə Kult |
6-10 oktyabr 2021-ci il tarixlərində Bakı Ekspo Mərkəzində “Baku International Book Fair 2021” - 7-ci Bakı Beynəlxalq Kitab Sərgisi keçiriləcək.
Kult.az xəbər verir ki, sərginin məqsədi kitab və mütaliəni təbliğ edərək populyarlaşdırmaq, ziyarətçiləri həm Azərbaycan, həm də xarici nəşriyyatların çap məhsulları ilə tanış etmək, nəşriyyat işinə dəstək vermək, nəşriyyatları potensial əməkdaşlıq üçün kitab mağazaları ilə əlaqələndirmək, eləcə də rəqəmsal dövrdə kitab biznesinin inkişafı ilə bağlı təcrübə və fikir mübadiləsini təmin etməkdir.
“Baku International Book Fair 2021” kitab sərgisi dünya ədəbiyyatının görkəmli nümayəndəsi, Azərbaycanın dahi şairi və mütəfəkkiri Nizami Gəncəvinin 880 illik yubileyinə həsr olunacaq.
Qeyd edək ki, sərgidə 13 ölkədən 165 müəssisə iştirak edir. Azərbaycan, Bolqarıstan, Gürcüstan, Fransa, İndoneziya, İran, Kolumbiya, Qazaxıstan, Qırğızıstan, Misir, Özbəkistan, Rusiya və Türkiyəyə məxsus nəşriyyat evləri, mətbəələr, kitab mağazaları, mədəniyyət mərkəzləri və poliqrafiya şirkətləri sərgidə iştirak edəcək.
Tarix
2021.10.05 / 12:06
|
Müəllif
Kult.az
|