"Sony Pictures və Rovio Entertainment" "Qəzəbli quşlar" (Angry Birds) cizgi filmindən ilk kadrları təqdim edib.

Axar.az xəbər verir ki, "Qəzəbli quşlar filmi" (The Angry Birds Movie) iş adı olan cizgi filmi kinoteatrların ekranlarına gələn il mayın 20-dən çıxacaq.

Cizgi filmi quşlar və donuzlar barədə münaqişənin necə başladığını danışacaq. "Buro247"-nin məlumatına görə, ssenarini "Simpsonlar"ın müəlliflərindən biri olan Con Vitti yazıb. Cizgi filmini ənənəyə uyğun olaraq - Piter Dinkleyc, Ceyson Sudeykis, Coş Qad, Keyt MakKinnon, Bill Heyder və Denni Mak Brayd kimi Hollivud ulduzları səsləndirəcəklər.

Qeyd edək ki, 2009-cu ildə çıxan "Angry Birds" oyunu sürətlə populyarlıq qazanıb. Bu il iyul ayının sonunda isə oyunun ikinci hissəsi oyunsevərlərə təqdim edilib.