İki ölkə arasında tarixi filmlərin yaradılması ənənəsi davam etdirilir.

Axar.az RİA Novosti-yə istinadən xəbər verir ki, "Korner Vörk" studiyasının yaydığı məlumata görə, Rusiya ilə Çin birlikdə Port-Artur hadisələrinə həsr olunmuş genişmiqyaslı bir layihəyə start verir.

Prodüser Yevgeni Ayzikoviçin verdiyi açıqlamaya görə, tərəflər bu qərara film festivalında aparılan müzakirələrdən sonra gəliblər:

"Tarixi mövzularda çəkilən filmlər hər iki ölkənin (Çin və Rusiya) izləyiciləri tərəfindən maraqla qarşılanır. Bu səbəbdən Port-Artur müdafiəsinə həsr olunacaq filmin də ictimaiyyət rərəfindən seviləcəyinə heç bir şübhəmiz yoxdur. Bu filmdə Rusiyanın müharibədə iştirakı, döyüş tarixi və şöhrəti öz əksini tapacaq".