Bəzi məsələlərə görə bir müddət mahnı bəstələməyə ara vermişdim.

Bu sözləri bəstəkar İsa Məlikov uzun zamandır sənət fəaliyyətində yaranan durğunluq haqda Axar.az-a danışarkən deyib. Bəstəkar dinləyiciləri yeni sürprizlər gözlədiyini bildirib:

"Bəli, bir müddət mahnı bəstələməyə ara vermişdim. Amma yenidən bəstəkarlıq fəaliyyətim üzərində işləməyə başlamışam. İki yeni mahnı olacaq. Xalq artisti Zülfiyyə Xanbabayeva və Sevda Ələkbərzadə ilə yeni mahnılar üzərində işləyirik.

Bildiyiniz kimi, filmlərə də mahnı bəstələyirəm. Amma hazırda hansısa filmə mahnı bəstələmirəm. Bəlkə, gələcəkdə yenidən bu sahədə çalışaram".