Oskarlı aktyor Ceymi Foks maşını yanan sürücünü son anda xilas edib.

Axar.az xarici mətbuata istinadən xəbər verir ki, Kaliforniya ştatında baş verən hadisədə aktyor qəza törədən sürücünü yanmaqdan qoruyub.

Məsələ ilə bağlı açıqlama verən Ceymi Foks bunları deyib:

"Qəza baş verdiyini görən kimi ora getdim. Maşının şüşəsini qırıb, təhlükəsizlik kəmərini kəsdim və sürücünü oradan çıxardım. Bir neçə saniyədən sonra maşın bütünlüklə alovlandı".

Bu hadisədən sonra dünya mətbuatı oskarlı aktyoru qəhrəman elan etsə də, o bu fikirləri qəbul etməyib.