ABŞ tarixində yalnız bircə dəfə “erməni soyqırımı” terminindən istifadə olunub. Bunu ABŞ-ın 40-cı prezidenti Ronald Reyqan edib.

Axar.az xəbər verir ki, bu barədə “Amerikanın səsi”nin erməni bölməsi yazıb.

Məlumata görə, bu sözlərin istifadə olunduğu nitqin müəllifi Ağ Evin əməkdaşı Kennet Xaçikyandır.

Sözügedən şəxs Niksondan sonra Reyqanın qərargahından təklif gəldikdə dərhal qarşısında açılan fürsətləri qiymətləndirir. Əgər Nikson onun üçün hazırlanan nitqləri özü oxuyurdusa, Reyqan özü üçün əhəmiyyətsiz saydığı bu prosesi köməkçilərinə həvalə edirdi.

1981-ci ildə Reyqan Holokost qurbanlarının xatirəsinə həsr olunmuş nitqlə çıxış etməli idi, Xaçikyan isə dövlət başçısının nitqinə “erməni soyqırımı” ifadəsini salmağa nail olur.

Bu hadisədən sonra Xaçikyan rəsmi sənədlərin yaxınlığına belə buraxılmır və Ağ Evdən kənarlaşdırılır.