Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
29 May 2020


Ermənilər 24 apreldə qadınları lüt soyundurub... – Polkovnik

Ana səhifə Reportaj
12 Punto 14 Punto 16 Punto 18 Punto

İşğalçı və terrorçu ermənilər hər il aprelin 24-də qondarma “erməni soyqırımı”nın “anım” mərasimini qeyd edirlər. Halbuki, türkləri haqsız yerə soyqırımında günahlandıran düşmənlərimiz özləri son 3 əsrdə bəlkə də milyonlarla türkü, azərbaycanlını, ümumiyyətlə, kürd, ləzgi, talış, avar, tat və s. fərq qoymadan əllərinə keçən hər bir müsəlmanı olmazın işgəncələrlə qətlə yetiriblər.

Axar.az xəbər verir ki, dəhşətli qətliamlar törətmək alçaqlığına qadir olan ermənilərin daha bir vəhşiliyi 28 il öncə baş verib. Belə ki, 1992-ci ilin 24 aprelində - Xocalıda qətliam törətdikdən sonra sağ qalan yüzlərlə qoca, qadın və uşağı əsir aparan ermənilər həmin ilin aprelində onları misli görünməmiş amansızlıqla qətlə yetiriblər.

Hadisəni öz gözləri ilə görən Şuşadakı 777 saylı hərbi hissənin kəşfiyyat rəisi, polkovnik Azay Kərimov bu inanılmaz vəhşəti Moderator.az saytına danışıb:

“1992-ci ilin aprelin ortalarında ermənilərin içərisində olan agentura şəbəkəmiz və radio-kəşfiyyat vasitəsilə ayın 24-də, yəni qondarma “genosid” günü onların yüzlərlə azərbaycanlı əsiri qətlə yetirəcəyi haqda məlumat aldıq. Kütləvi qətl “mərasimi”nin Xocalı və Xankəndi arasında yerləşən Ballıca kəndi yaxınlığında icra ediləcəyi gözlənilirdi. Dəqiqləşdirdik ki, kütləvi qətliam Berd adlanan bir yüksəklikdə təşkil olunacaq.

Aprelin 20-də mən bir neçə əsgərlə həmin yerin yaxınlığında olub müşahidələr apardım. Gördük ki, artıq orada hazırlıq işləri gedir, dar ağacları qurulur. Amma Şuşadan həmin yüksəkliyə hər hansı bir bölük, yaxud tağım sızdıraraq əsirləri xilas etməyə çalışmaq mənasız idi; çünki ətrafda, hər yerdə erməni qüvvələri var idi. Yəni Berd yüksəkliyinə gedib çıxa bilsək də, real nəticə əldə edə bilməyəcəkdik. Bu məsələ dövlət, Müdafiə Nazirliyi səviyyəsində həll olunmalı idi. O yüksəkliyə vertolyotla desant atmaq və qısa müddətdə, operativ şəkildə, digər istiqamətlərdən düşmənə yayındırıcı zərbələr endirməklə əsirləri xilas etmək olardı.

Digər daha optimal yol isə həmin soydaşlarımızı siyasi-diplomatik yollarla, Ermənistan rəhbərliyi ilə danışıqlar sayəsində ölümdən qurtarmaq idi...

Ona görə də aprelin 20-dən başlayaraq iki dəfə mən özüm, bir dəfə də komandirimiz Elçin Məmmədov Prezident səlahiyyətlərini icra edən, o vaxtkı faktiki Ali Baş Komandan Yaqub Məmmədovla telefonla danışıb vəziyyəti məruzə etdik. Sonda Yaqub müəllim əsəbiləşib səsini qaldıraraq bizə dedi ki, bir də mənə zəng etməyin, gedin Rəhim Qazıyevlə əlaqə saxlayın, sizin naziriniz odur. Dedik, axı biz Rəhim Qazıyevlə əlaqə yarada bilmirik, vəziyyət də belədir: 150 dar ağacı qurulub, yüzlərlə soydaşımızın növbəti qətliamı gözlənilir...

Xülasə, Azərbaycan rəhbərliyi səviyyəsində heç bir tədbir görülmədi və bizə yalnız gözümüz görə-görə yüzlərlə azərbaycanlının ermənilər tərəfindən vəhşicəsinə qətliamını, sadəcə, müşahidə etmək qaldı. İnanın, yadıma düşəndə, bağrım çatlayır, ürəyim partlayır, yerə-göyə sığmıram...”

Polkovnik deyib ki, aprelin 24-də 4 hərbçi ilə birgə yenə də nəsə bir iş görmək ümidi ilə gizli şəkildə qarlı havada ağ masxalatlarla Berd yüksəkliyinə tərəf yollanıb:

“Təxminən 150 metr məsafədən baş verən amansız səhnəni müşahidə etdik. Əvvəlcə düşmənlər bir böyük daşın üzərinə qırmızı parça sərdilər. Bilmirəm, bəlkə Daşnaksütyunun, yaxud ASALA-nın bayrağı idi. Həmin əski parçasının üzərinə bir tapança qoydular. Sonra 5-6 erməni axçisi nəsə oxudu və hərəsi həmin tapançadan göyə 3 güllə atdı. Əsirlərin əksəriyyəti qadınlar idi, başlarına yüz oyun açıb, hamısını lüt şəkildə dar ağacından asırdılar... Ah-nalədən, qışqırtıdan qulaq tutulurdu. Çox dəhşətli mənzərə idi... Hərbçi və mülki ermənilər sayca bizdən qat-qat çox idi. Ona görə də bizim – 5 nəfərin bu qətliamın qarşısını alması mümkün deyildi...

Bu barədə 2000-ci illərdə ANS-dəki məşhur “Ən yeni tarix” verilişində də danışmışam və hər şeyi birbaşa Yaqub Məmmədovun üzünə demişəm. O da etiraf edib ki, bəli, yadımdadır, siz mənə bu barədə zəng edib dediniz, mən də Rəhim Qazıyevə dedim, lakin, təəssüf ki, o, bir tədbir görmədi. Sonrakı illərdə Rəhim Qazıyevlə görüş və söhbətlərimizdə, o cümlədən Yutuba yüklənmiş video-debatımızda ona da hər şeyi demişəm. Təəssüf ki, indi həmin video Yutubdan silinib...”

Tarix
2020.04.25 / 02:21
Müəllif
Axar.az
Şərhlər
Digər xəbərlər

Ukraynalılar Hitleri Moskvaya "gətirdi"

Şuşa bu gün od tutub yanacaq...

Nuru Paşanı öyən, Oryolda güllələnən şairimiz

Xalq şairinin xanımından gizlədilən ölümü...

Aşıq Ələsgər ocağındakı sirli ölüm: Növrəs yoxa çıxdı...

Bakı mənzərəsi: Daha sərt karantinə hazırlaşın! - Fotolar

Qərar ləğv edilsin, İrəvan geri tələb edilsin! - Çaxmaqlı

9 yaşında taxta çıxan böyük Azərbaycan şahı

Şarl de Qollun dostu, qəzada ölən azərbaycanlı...

Müəmmalı şəkildə ölən 35 yaşlı generalımız - 8 fakt

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla