Bu gün Aprel döyüşlərinin şəhidi, polkovnik-leytenant Raquf Orucovun doğum günüdür.

Axar.az xəbər verir ki, Raquf Orucov 12 iyul 1972-ci ildə Ağdam rayonun Cinli kəndində anadan olub.

Raquf Orucov 1996-cı ildən Murovdakı N saylı hərbi hissədə kəşfiyyat bölüyünün komandiri kimi cəbhənin ən qaynar nöqtələrində uğurlu əməliyyatların əsas təşkilatçılarından və iştirakçılarından biri olub. Onun ən yaddaqalan əməliyyatlarından biri 1998-ci ildə işğal altında olan Kəlbəcərdə kəşfiyyat əməliyyatı zamanı erməni əsgərlərinin andiçmə mərasimini müşahidə etməsi və həmin tədbirdən gizli videoçəkiliş aparmasıdır. Məhz bu qəhrəmanlığına görə Raquf Orucov hələ o zaman Ümummilli lider Heydər Əliyev tərəfindən “İgidliyə görə” medalı ilə təltif edilib.

2 aprel 2016-cı ildə Aprel döyüşləri zamanı şəhid olub. Şəhidin məzarı Sumqayıt Şəhidlər Xiyabanındadır.