Qubada Heydər Əliyev adına mədəniyyət və istirahət parkında inşa olunmuş “Yaşıl teatr” hazırda məhv olmaq üzrədir. 2013-cü ildə Heydər Əliyev Fondunun təşəbbüsü ilə tikilən teatr binasının içi əsl xarablığa çevrilib. İstifadəyə verilən zaman ən son avadanlıqla təmin olunan binanın maddi-texniki bazası talan olunub.

Axar.az xəbər verir ki, Real TV sözügedən teatr binası barədə reportaj hazırlayıb.

Görüntülərdən aydın olub ki, külli miqdarda dövlət vəsaiti hesabına yaradılan teatr binası Quba Rayon İcra Hakimiyyətinin yaxınlığında yerləşir. Quba İH məsələ ilə bağlı müsahibə verməkdən yayınıb.

Eskpertlərin sözlərinə görə, teatr binasının bu vəziyyətə düşməsinə səbəb indiyə kimi heç bir qurumun tabeliyində olmamasıdır.

Mədəniyyət Nazirliyinə saytımız tərəfindən sözügedən teatrın nəzarətə götürülməsi barədə sorğu göndərilib. MN-dən bildirilib ki, məsələ araşdırılacaq.

“Yaşıl teatr”ın hazırkı vəziyyəti barədə görüntüləri təqdim edirik: