Mənim kimi müşgül adama evlənmək təklif etmək özü böyük sevgidən xəbər verir.

Axar.az xəbər verir ki, bunu aparıcı İradə İsaq bu gün baş tutacaq toyu ilə bağlı hislərini bölüşərkən deyib.

"Bu günü Yaradan ömrümə həm doğum, həm düyün günü kimi yazıbmış. Qismətimdəki bəy isə nə gizlədim, çox kaprizimə dözüb. Mənim kimi müşgül adama evlənmək təklif etmək özü böyük sevgidən xəbər verir. Bu gündə bir dəfə anam məni bu işıqlı dünyaya gətirmişdi. İkinci baharı bu gündə mənə sən bəxş etmək istədin. İnşallah, gözəl, mənalı günlər ömrümüzə yazılar Yaşar İsakov, adın kimi xoş günlər yaşadarıq bir-birimizə. Tanrı sevənlərimizi qorusun.

Ayrı-ayrı minlərlə mesaja cavab verə bilmirəm. Bu gün həm də bizim toyumuzdur. Müəyyən hazırlıqlarla məşğulam. Toyumuza uzaqdan-yaxından gələnlərə, doğum günüylə bağlı təbrik mesajı yazanlara, bütün dostlara, tanışlara təşəkkürümü bildirirəm. Minnətdaram əzizlərim. Var olun! Hər an dostlar-doğmalarla, qohumlar-əzizlərlə gözəldir.

P.S. Şəkli bəzi jurnalistlərin götürməməsi üçün keyfiyyətsizləsdirib qoymusam, bağışlayın", - aparıcı qeyd edib.

Xatırladaq ki, İ.İsaq Penitensiar Xidmətin sabir mətbuat rəisi, jurnalist Yaşar İsakovla ailə qurur.

Toy Bakı Əyləncə Mərkəzində keçiriləcək. Məclisə sənət aləminin tanınmış simaları, aparıcılar, incəsənət nümayəndələri qatılacaq.