İndi də başlayıblar şayiə buraxmağa ki, guya konsertdə fonoqramla oxuyacağam.

Axar.az xəbər verir ki, bu sözləri xalq artisti Faiq Ağayev onunla bağlı şayiə yayanlar haqda rəsmi Feysbuk səhifəsində yazıb. O, çox əsəbi olduğunu bildirib:

“Belə də zülm olar? Konsert keçirəcəyim haqda xəbəri eşidər-eşitməz yenə köhnə üsullara əl atıb, hücuma keçiblər. İşimə pəl vurmaqdan ötrü bilmirlər daha nələr etsinlər. Bir həftədir ki, dövriyyəyə su qiymətinə saxta dəvətnamə atıblar - susuram. Gözünüz nə vaxt doyacaq? Dil-ağzınız nə vaxt yalandan usanacaq? Adam deyillər e, səy yığınıdır! Camaatı gic yerinə qoymusuz?! Kiriyin də! Jurnalist zənglərinə cavab verməkdən təngə gəlmişəm artıq. Səhərdən telefonum susmur”.