Dünya şöhrətli fransız müğənnisi Patrisiya Kaas Bakıda solo konsert proqramı ilə çıxış edəcək.

Konsert mayın 29-da Heydər Əliyev Sarayında müğənninin "Kaas chante Piaf, Caucasus tour" adlı Qafqaz turu çərçivəsində baş tutacaq. İfaçı mayın 31-də Tiflisdə çıxış edəcək. Gecədə tamaşaçılar əfsanəvi müğənninin ən məşhur hitlərini və yeni mahnılarını eşidəcəklər.

Bu, müğənninin Bakıya ikinci səfəridir. Daha öncə Kaas 2008-ci ildə Cartier zərgərlik butikinin açılışı münasibətilə paytaxtımıza qonaq gəlmişdi "(Buro247.az)".