Mərhum Maykl Ceksonun 50 yaşlı bacısı Canet Ceksounun nikahdankənar qızı var imiş.

Axşam.az-ın məlumatına görə, bu haqda 31 yaşlı Tiffani Uayt adlı qadın “Radar Onlayn”a bildirib.

O, Canetlə Ceym Debarqın sevgisinin nəticəsi olduğunu söyləyib.

“31 ildir ki, yetim böyümüşəm. Anamın Cekson olduğunu 7 il əvvəl öyrənmişəm. Daha sonra atamın kimliyini bildim. Sübut üçün DNT analizi verdim. Artıq susmaq fikrim yoxdur. Hər kəs həqiqəti bilməlidir. Mən onlardan pul istəmirəm, sadəcə, ana və atamı istəyirəm”, - deyə Tiffani qeyd edib.

Uaytın həqiqətən cütlüyün övladı olduğunu Debarqın anası da təsdiqləyib. Onun sözlərinə görə, 1985-ci ildə Cenetlə Ceyms ayrılanda müğənni hamilə olub.

Sənətçi özü bu barədə hələ ki, heç bir məlumat verməyib.

Qeyd edək ki, C.Cekson 2012-ci ildə qətərli milyardçı Vissam əl-Mana ilə ailə həyatı qurub. Cütlüyün bir oğlu var.