Üzeyir Mehdizadə şəhidlərimizin ruhuna hörmət olaraq dostunun toyunda mahnı oxumaqdan imtina edib.

Axar.az xəbər verir ki, bu haqda məlumatı tanınmış təşkilatçı-prodüser Samir Xəttab Feysbuk sosial şəbəkəsindəki şəxsi hesabında yayıb.

"Bu gün Üzeyir Mehdizadə Qəbələ şəhərinə yaxın dostunun toy məclisində oxumaq üçün dəvət edilmişdi. Hətta dostu toy məclisinin tarixini Üzeyirin boş gününə görə təyin etmişdi. Dosta hörmət olaraq Qəbələyə gəldik, amma Üzeyir Mehdizadə şəhidlərimizin ruhuna hörmət olaraq toyda heç bir mahnı ifa etmədi. 3 dəqiqəlik şifahi təbrik edib çıxdıq. Vətən, başın sağ olsun. Hörmətlə: Samir Xəttab", - deyə prodüser yazıb.

Samir Xəttab statusunun sonuna bu sözləri də əlavə edib: "Yazmaqda məqsədim reklam deyil, nümunə olmaqdır. Belə şeylərdən reklam tutmağa ehtiyac olmadığını hamı bilir. Allah bir daha rəhmət eləsin".