Amerikalı pop ulduz Madonna və İslandiyanın “Hatari” qrupunun Avroviziya finalında çıxışları zamanı Fələstin bayraqları nümayiş etdirməsi təşkilatçıların narazılığına səbəb olub.

Axar.az xəbər verir ki, bu barədə Avropa Yayım Birliyindən açıqlama verilib.

Madonnanın çıxışı zamanı kürəyində Fələstin və İsrail bayraqları olan rəqqaslar qucaqlaşıb. İslandlar isə nəticələr elan olunan zaman əllərində Fələstin bayrağını xatırladan şarflar olub.

Təşkilatçıların sözlərinə görə, Madonnanın çıxışı Avropa Yayım Birliyi və İsrailin “Kan” Milli Teleradio Şirkəti ilə razılaşdırılmayıb.

“Avroviziya mahnı müsabiqəsi – siyasi hadisə deyil”, - press-relizdə deyilib.

Avropa Yayım Birliyi həmçinin islandların hərəkətləri ilə bağlı müsabiqənin başa çatmasından sonra qərar verəcəklərini açıqlayıb.