"Qadına şiddət Türkiyənin ən böyük ayıbı və utancıdır".

Axar.az xəbər verir ki, bunu Türkiyənin məşhur ifaçısı Tarkan öz Feysbuk səhifəsində yazıb.

Dünya şöhrətli musiqiçi qadına qarşı yönəlmiş şiddətə görə yasa batdığını bildirib:

"Bu gün mən də qara geyinmişəm. Özgəcan Aslan üçün yasdayam. Bu ölkədə qadına qarşı şiddət və cinayətlərə şahid olduqca içim yanır və öz kişiliyimdən utanıram. Qadına qarşı şiddət Türkiyən ən böyük ayıbıdır və Türkiyə bu ləkədən yalnız hüquqla canını qurtara bilər. Buradan hökumətə və səlahiyyəti olan bütün şəxslərə səslənirəm. Qadınlarımızın şiddət görməsinə və öldürülməsinə artıq göz yummayın. Ciddi cəzalarla, qanunlarla bunun qarşısını alın. Nə gözləyirsiniz? Daha çox qadının öldürülməsinmi?"

Qeyd edək ki, 20 yaşlı Özgəcan Aslan adlı tələbə qız onu zorlamağa cəhd edən avtobus sürücüsünə müqavimət göstərərkən qətlə yetirilib. Özgəcan Aslan bıçaqlanıb və baş nahiyəsindən dəmir boru zərbəsi alıb, sonra isə cəsədi yandırılıb.