Tom Kruzla Nikol Kidman arasında sürən uzun illərin düşmənçiliyi rəsmən aradan qaldırılıb.

Axar.az xəbər verir ki, Nikol Kidmanla Tom Kruz arasında olan münaqişəyə son qoyulub.

Vaxtı ilə səhhəti ilə bağlı problemlərə görə övlad sahibi ola bilmədiyi üçün Tom Kruz məhkəmə qərarı ilə Nikol Kidmana hər il təzminat ödəyib və bu, Kidmanın boşanaraq varlı fransalı milyarderlə eşq macərası yaşadığı zaman da davam edib.

Bundan hiddətlənən Tom məhkəməyə müraciət etsə də, prosesi uduzub. Nikolun 9 illik ailə həyatını Toma həsr etməsi, üstəlik himayəsində uşaq evindən götürdüyü iki azyaşlı uşağın olması məhkəmənin qərarda heç bir dəyişiklik etməməsinə səbəb olub. Lakin bu günlərdə Nikol rəsmən Tomun pullarından imtina etdiyini media nümayəndələrinə açıqlayıb:

"Biz Tomla bir-birimizi çox sevmişik. Gözəl ailəmiz olub. Mən Hollivudun ən varlı qadın aktrisalarından biriyəm. Vaxtı ilə sevdiyim insandan təzminat almağa da ehtiyacım yoxdur. Tom təzminat ödəmək istəmirsə, ödənişi istədiyi zaman dayandıra bilər".