"Real Madrid" futbol klubunun ulduzu Kristiano Ronaldo özünə vurğunluğunu bu dəfə heykəlində əks etdirib.

Axar.az xəbər verir ki, 2013-cü ilin dekabrında Madriddəki bir muzeydə nümayiş olunmağa başlanan Kristiano Ronaldo heykəlinə hər ay xüsusi bərbər baş çəkir. Bunun səbəbi isə heykəlin sahibi Ronaldonun özünə düşkünlüyüdür. Heykəlin olduqca baxımlı və yaraşıqlı görünməsini istəyən məşhur ulduz hər ay bərbərini muzeyə göndərərək heykəlin saçını səliqəyə saldırır.

Muzeyin mətbuat işçisi Qonzalo Preza hadisəni təsdiq edərək "Kadena Ser" radiosuna belə açıqlama verib:

"Kristiano Ronaldo heykəlinin mükəmməl olmasını istəyir. Ayda bir dəfə bərbərini bura göndərir. Ronaldonun saçları parik deyil. Hindistandan gəlib və tamamilə təbiidir".